Waxaa dhowaan wareegto kasoo baxday xafiiska Madaxweynaha dowladda Federaalka Soomaaliya Xasan Sheekh Maxamuud lagu dalacsiiyey taliyaha ciidanka Booliska Dowladda Federaalka Soomaaliya Maxamed Sheekh Xasan Xaamud oo loo dalacsiiyay darajada Sareeye Gaas. taliyaha booliska isagoo u xiray darajada cusub ee uu gaaray taliyaha, wuxuuna akhriyay wareegtada madaxweyahu ku dalacsiiyey.
Wasiirka Amniga ayaa intaas kadib ka sheekeeyay waxqabadka Taliyaha Booliska iyo dadaalka dheeraadka ah ee uu muujiyay intii uu xilka hayay, wuxuuna xusay inuu isagu lahaa talo soo jeedinta dalacsiinta taliyaha. Wuxuu intaas ku daray in arrimaha loo dalacsiiyay taliyaha Booliska Maxamed Sheekh Xasan Xaamud ay ka mid tahay inuu soo saaray ilaa 90 sarkaal oo been abuur ahaan uga tirsanaa ciidanka Booliska kuwaas oo mushaar si khadal ah ku qaadan jiray, saraakiishaana aanay shaqada imaan ilaa 2011.
Arrintan oo dad badan ka yaabisay ayaa caadi ka ah ciidamada dowladda qeybahooda kala duwan oo mushaaro badan lagu qaato magacyo aan jirin iyo ciidamo la iska qorto; waana tallaabadii ugu horeysay ee lagu saxo ciidamada.
Goobjooge.com
[ad name=”HTML-1″]
