Ra’iisal wasaaraha xukuumadda Soomaaliya Cumar C/rashiid Cali ayaa u socdaalay degmada Qardho ee Gobolka Bari, halkaasoo uu booqasho ugu tegayo Boqorka Burhaan Boqor Muuse oo ah duubka Beesha Daarood, waxaana safarkan uu yimid kadib markii la isku mari waayay laguna kala kacay wadahadalkii Garowe ee u dhaxeeyay maamulada Puntalnd, Juba iyo dowladda Federaalka.
Ra’iisal wasaaraha aya duhurnimadii u baqoolay Qardho kadib markii uu dib u dhac ku yimid safarkiisii saaka, waxaana la filayaa inuu Boqor Burhaan oo dhowaan Muqdisho yimid uu kala hadlo khilaafka ka taagan maamulka Galmudug oo Puntland ay diidan tahay.
C/weli Gaas ayaa caddeeyay inaysan aqoonsaneyn maamulka Galmudug ee cusub, wuxuuna ku adkeystay inaysan aqbali doonin maamulkaas inuu la mid noqdo maamulada kale ee dalka. Arrintan oo fashil ku keentay dadaalkii uu waday Cumar C/rashiid oo ahaa in xal loo helo cabashada Puntland.
Cumar C/rashiid ayaa lagu wadaa inuu ilaa maalinta ciida ku sugnaado Qardho. Boqorka Daarood ayaan lahayn door siyaasadeed, waxaase dhici karta inuu gacan ku siiyo Ra’iisal wasaare Cumar C/rashiid sidii uu xal ugu heli lahaa khilaafka dowladda Federaalka kala dhaxeeya Puntland. Waxayna xaaladu u muuqataa mid u janjeersatay qaab beeleed.
Akhri: Shirka Garowe: Ma shir beeleed baa mise shir maamul Goboleedyo & dowlad Federaala..?
Wadani.com
[ad name=”HTML-1″]
