Aqalka Sare ee Baarlamaanka Soomaaliya ayaa magacaabay Guddi dhexdhexaadin oo xal u raadinaya khilaafka u dhaxeeya Guddoonka Baarlamaanka ee ka dhashay mooshinka xil-ka-qaadista Madaxweynaha Soomaaliya.
Guddiga waxaa guddoomiye u ah Senator C/risaaq Cismaan Jurille, waxayna u howlgelin doonaan sidii xal ugu heli lahaayeen xaaladda ka taagan guddoonka iyo Baarlamaanka Federaalka, sida uu sheegay Xogayaha Aqalka Sare Cali Maxamed Jaamac.
Xubnaha Guddiga xal u raadinta khilaafka Guddoonka Golaha Shacabka ee Aqalka sare ayaa kala ah:
1- Senator Cabdirisaaq Cismaan Xasan Jurille -Gudoomiye
2- C/kaafi Macallin Xasan – xubin,
3- Cabdi Axmed Dhuxulow
4- Cabdiwaaxid Cilmi Goonjeex
5- Cabdullaahi Cabdi Garuun
5- Yuusuf Geelle Ugaas
6- Cabdirisaaq Axmed Cali
Dhinaca kale Guddoomiyaha Aqalka Sare Cabdi Xaashi C/llaahi ayaa u dhoofay dalka Turkiga, kadib markii Guddigan uu magacaabay, waxaana la sheegay inuu socdaalkiisa qaadan doono dhowr maalmood.
