Laba ka mida Madaxweynaha maamul goboleedyada dalka ayaa isku khilaafsan mustaqbalka ciidamada AMISOM ee Soomaaliya ka howlgala.
Khudbado ay ka jeediyeen shalay shirkii amniga Somalia ayaa waxaa ka muuqday sida ay ugu kala duwan yihiin arrinta bixitanka ciidamada AMISOM, iyadoo madaxweynaha Jubba Axmed Maxamed Islaam uu taageeray in AMISOM ay dalka ka baxdo, ayna ammaanka la wareegaan ciidamada Soomaalida, halka Madaxweynaha Koonfur Galbeeed Shariif Xasan Sheekh Aadan uu dalbaday in sii joogaan ciidamada AMISOM oo aan la gaarin xilligii ay bixi lahaayeen.
Axmed Madoobe ayaa sheegay in Jubbaland uu heysto culeys in Horjoogayaasha Kooxda Argixisada ay gabbaad ka dhigtaan degaanada Jubbaland loona baahan yahay in laga xoreeyo guud ahaan dalka. Wuxuuna intaas raaciyay in ciidamada Soomaalida loo diyaariyo si ay xilka ugala wareegeen AMISOM.
Madaxweynaha Maamul Goboleedka Koonfur GalbeedĀ Shariif Xasan Sheikh Aadan ayaa qeexay iney muhiim tahay in la waqtiyeeyo qorshaha Amniga Qaranka iyo sida loo tababarayo Ciidanka ayna ula wareegayaan amniga wadanka. Wuxuu meesha ka saaray in ciidamada AMISOM ay ka baxaan Soomaaliya, isagoo caddeeyay inaysan diyaar ahayn ciidamada Soomaalida.
