Baarlamaanka Carabta ayaa dowladda Kenya ugu baaqay inay faraha kala baxdo Biyaha Soomaaliya, kana laabato sheegashada xuduudka Badda ee Soomaaliya, sida lagu sheegay Bayaan kasoo baxay shirkii Baarlamaanka Carabta.
Wasaaradda Arrimaha dibadda Somalia ayaa shaacisay bayaanka kasoo baxay Baarlamaanka Carabta oo ahaa Hindise ku salaysan Xaaladda Soomaaliya, wuxuuna u qornaa sida soo socota:
Baarlamaanka Carbeed waxa uu taageerayaa Jamhuuriyadda Soomaaliya si loo dhowro midnimadeeda, nabadgelyadeeda, deganaanshaheeda, bedqabka dhulkeeda, xorriyadeeda, milgaheeda, beri, bad iyo cir , waxa uu ugu baaqayaa Kenya in ay faraha kala baxdo biyo goboleedka Jamhuuriyadda Soomaaliya, oo ah qeyb aan ka go’ayn biyaha carbeed oo lama taabtaan ah, waxa uu ku gacan seyrayaa sheegashada beenta ah ee ah calaamadeyn cusub oo raad lahayn, xaqiiqdana ka fog, sidoo kale waxa uu ganafka ku dhufanayaa hanjabaadda faragelin ee Kenya ee arrimaha gudaha Soomaaliya iyo ku tumashadeeda mabaa’diida deris wanaagga iyo heshiisyada caalamiga. Baarlamaanka Carbeed waxa uu ugu baaqayaa wadamada Carbeed ee xushmadda mudan in ay garab istaagaan Jamhuuriyadda Soomaaliya oo tallaabooyin wanaagsan u qaadaysa dhinacyada ammaanka, deganaanshaha iyo ka takhalusidda argagaxisada iyo waxyaabaha ka hor’imaanaya xuquuqul insaanka.
BAARLAMAANKA CARABTA
—————
The Arab Parliament calls on Kenya to stop its hands on Somali territorial waters, which are an integral part of the Arab waters, and rejects its false pretensions to draw up a new, unfounded map while rejecting its threats to interfere in Somalia’s internal affairs.
