Xildhibaanada Baarlamaanka Jubba ayaa maanta ansixiyay codsi uga yimid madaxweyne Axmed Maxamed Islaam (Axmed mMadoobe) oo ku saabsan in loo kordhiyo mudada uu magacaabayo Golaha wasiirada maamulkaasi kadib doorashadiisii 15-ka Ogost.
Dastuurka Jubba 72 aad ayaa sheegaysa in marka la doorto Madaxweynaha Jubba uu Golaha Wasiirada maamulka ku soo dhisi doonaa muddo dhan 21 maalmood, laakiim waxaa muuqata in durba loo baahday wax ka bedelka dastuurkaasi oo laf ahaantiisa cusub. Waxayna mudadaasi ku egtay 5-ta Bishan September .
Codsiga Axmed Madoobe ayaa Xildhibaanada Baarlamanaka Jubba ay aqbaleen kulan maanta ku yeesheen magaalada Kismaayo, waxaana kulanka oo ku furmay 59 Xildhibaan, waxaa ogalaaday 55 Xildhibaan, halka 3 Xildhibaan ay diideen, Hal Xildhibaanna uu ka aamusay.
Gudoomiyaha Baarlaamaaka Jubba Sheekh Cabdi Cabdiraxmaan ayaa ku dhawaaqay in Madaxweynaha la siiyay muddao dhan 60-maalmood gudahood inuu ku soo magacaabo golaha cusub oo ku eg 5- October 2015.
Wadani.com
[ad name=”HTML-1″]
