Guddoomiyaha Bankiga dhexe ee Soomaaliya Bashiir Ciise Cali ayaa Shir jaraa’id oo uu maanta Magaalada Muqdisho ku qabtay wuxuu uga hadlay Lacago Been abuur ah oo la sheegay inay mudooyinkan soo galeen Magaalada Muqdisho. Wuxuuna intaas ku daray in lacagahaasi ay dhibaato weyn ku hayaan Ganacsatada.
Isagoo Saxaafadda kula hadlay Xarunta Bankiga Dhexe ee Magaalada Muqdisho ayuu caddeeyay in Suuqyada Magaalada Muqdisho ay soo gashay Lacag been abuur ah,taas oo Sicir barar ku keentay Suuqyada islamarkaana sameeysay Sarifka Lacagaha. Lacagtaasi ayuu sheegay inay lacagtaasi ka timid Bariga dalka oo uu ula jeeday Puntland, laakiin wuxuu sii raaciyay inuusan hubin.
[ad name=”HTML-1″]
Dowladda ayuu sheegay inay la kaashan doonto Booliska iyo ciidamada dalka iyo waliba hay’adda Booliska Adduunka ee Interpol si looga hortago.
Bishan gudaheeda ayaa Muqdisho lagu arkay lacag cusub oo nooca 1000 Sh/So ah taasoo ku dhex jirta lacagtii caadiga ahayd iyadoo Shilin Soomaaliga hadda shaqeeya ay ka nooshahay lacagta Kun-ka shilin ah oo kaliya. Ganacsato ayaa la sheegay inay soo daabaceen lacagtan cusub kadib markii ay arkeen baahida ka jirta suuqa, iyadoo la ogyahay in lacagihii hore loo isticmaalayay ay sii yaraayaan.
Daabacadda lacagta Soomaaliga ayaa ah shaqo uu leeyahay Bankiga Dhexe ee Soomaaliya, oo u muuqda inuu kasoo bixi waayay waajibaadkiisii, haddana ku eg yahay qeylo dhaan ah inuu sharci darro ku tilmaamo lacagaha cusub ee dalka soo galay, isagoo aa wax bedel ah u heynin umadda.
Wadani.com
[ad name=”HTML”]
[ad name=”HTML-6″]
