Howlgal aya ciidamada AMISOM maanta ka sameeyaan magaalada Marka ee gobolka SH/Hoose ayay ku dileen 7 ruux oo rayid ah iyagoo ku dhaawacay 6 kale sida uu xaqiijiyay mas’uuliyiinta dowladda ee magaalada Marka oo ah guddoomiyihii hore ee Marka.
Arrintan ayaa ka danbeysay markii xalay bam lagu weeraray Booyad ay lahaayeen ciidamada AMISOM oo la sheegay inay khasaare dhimasho iyo dhaawac ka soo gaareen. Dadka ciidamada AMISOM dileen waxaa kamida haweeney iyo waayeel, iyadoo magaalada xaalkeedu kacsan yahay ayna hareysay murugo.
Ciidamada AMISOM ayaa guryaha ugu galay dadka ay dileen iyagoo rasaas ku furay, waxaana dadka dhintay ka mida laba walaalo ah iyo laba haween ah, dhaawacyadii la geeeyay isbitaalka Marka ayaa la sheegay inay laba ruux ka dhinteen. Dadka rayidka ah ee magaalada ayaa ku waramay in dadka dhintay ee ciidamada AMISOM ay gaarayaan 13 ruux.
Falka ay ku kaceen ciidamada AMISOM ayaa caadi ka noqday magaalada Marka oo markii weerar lagu qaadaba ay rasaas ku furaan dadka shacabka ah, taasoo keenta qasaare dhimasho iyo dhaawac leh.
AMISOM ayaan wax war ah ka soo saarin dilka ay ciidamada ka geysteen Marka, sidoo kale Wasaaradda arrimaha Gudaha dowladda Federaalka ayaa ku gaabsatay inay baareyso waxa ka dhacay halkaasi.
Wadani.com
[ad name=”HTML-1″]
