Wararka laga helayo magaalada Muqdisho ayaa sheegaya in ciidamada dowladda oo isugu jira qeybaha Booliska iyo Milateriga ay weerar ku qaadeen xaafado ka tirsan degmada Kaaraan.
Weerarkan ayaa lagu qaaday ciidamo qaab maleeshiyo beeleed ah u abaabulan oo maanta saacado badan ku dagaalamay xaafado ka mida degmooyinka Kaaraan iyo C/casiis, waxaana oo amar lagu siiyey inay soo qabtaan taliyeyaasha iyo ciidamadaasi ay ku faafeen xaafado badan oo ka tirsan degaankii maanta lagu dagaalamay.
Wararka ayaa sheegaya in howlgalkan oo lagu doonayey in lagu soo qabto, hubkana loogala wareego ciidamadaasi aan lagu guuleysan kadib markii ay baxsadeen ciidamadii howlgalku ku wajahnaa oo ay u firxadeen dhinaca duleedka Muqdisho.
Lama oga in ciidamadu ay dabageli doonaan maleeshiyada maanta dagaalamay ee ka tirsan ciidamada mialtariga, laakiin dadka degaanka ayaa sheegay in ciidamada Amniga ay dib isaga laabteen.
