Ciidamo gadoodsan ayaa la wareegay Garoonka diyaaradaha magaalada Dhuusamareeb, iyadoo amar ku bxiiyey inaysan wax diyaarad ah kasoo degi karin garoonkaasi, xilli uu magaalada ku sugan yahay Ra’iisal wasaaraha Soomaaliya.
Wararka ayaa sheegaya in ciidamadan ay ka tirsanaayeen kuwii Ahlu suna ee garoonka hore gacanta ugu hayey garoonka, balse laga wareejiyey markii la geeyay ciidamo isku dhaf ah oo Galmudug ka tirsan, waxayna saaka tageen garoonka iyagoo gadood ah oo ka cabanaya mushaar iyo arrimo kale, taasoo keenay inay joojiyaan shaqadii garoonkaasi.
Wararki ugu danbeeyay ayaa sheegayai n Madaxda Ahlu suna ay waanwaan la galeen ciidamada gadoodka ah oo lagu qanciyey inay ka laabtaan shaqadii ay ka joojiyeen garoonka. iyadoo ay weli socoto dadaal lagu doonayo in looga saaro garoonka, waxayna arrintan imaaneysaa iyadoo Ra’iisal wasaare Xasan Cali Kheyre iyo wasiiro ka tirsan xukuumadiisa ku sugan yihiin magaalada.
Ciidamadii Ahlu Suna ayaa qaarkood laga dhigay ciidamo qaran oo loo diiwaangeliyay milateriga Soomaaliya, laakiin waxaa weli harsan maleeshiyo ka tirsanaa Ahlu suna.
