Xildhibaanada Soomaaliya ayaa maanta fadhi ku yeelanaya xarunta Baarlamaanka magaalada Muqdisho, waxayna sheegeen in cod loo qaadayo Mooshinka laga keenay dhismaha baarlamaanka Jubba oo dib u dhac ku yimid kulankii ugu danbeeyay ee baarlamaanku yeeshay markii kooramku yaraaday.
Xildhibaano ka mida Baarlamaanka Soomaaliya ayaa sheegay in kulankooda maanta qabsoomayo ajendaha ugu horeeyana uu yahay cod loo qaadi doon mooshinkan oo hore u baaqday.
Mooshinkan oo xukuumadda ku dhex jirto kadib socdaalkii Ra’iisal wasaaraha ku tegay magaalada Kismaayo ayaa guddoonka Baarlamaanka dadaal ugu jiraa inaan wax cod ah loo qaadin oo dadaalka xukuumadda laga war sugo, halka xildhibaannada wada mooshinka ay doonayaan in cod lagu kala baxo.
Qaabka u furan madaxda sare ee dowladda iyo guddoonka Baarlamaanka ayaa ah in xildhibaanada taageera aysan tegin fadhiga baarlamaanka si loo waayo kooram cod qaadi karta sidaasina dib mar kale loogu dhigo, Waxaa kaloo jira qorshe kale oo guddoomiyaha Baarlamaanku doonayo in codsigii xukuumadda uu dib ugu soo celiyo Baarlamaanka.
Wadani.com
[ad name=”HTML-1″]
[ad name=”HTML-6″]
