Siyaasiga C/raxmaan C/shakuur Warsame ayaa codkiisa ku biiriyay aragtidiisa kiiska C/kariin Sheekh Muuse Qalbidhagax ee sida weyn u kiciyay kacdoonka shacabka.
Siyaasiga ayaa igu miisaanay xaaladaha Soomaaliya ka taagan xilligan iyo sida looga baahan yahay in dowladdu u maareyso damiirka shacabka iyo danaha qaranka, wuxuuna u soo jeediyay dowladda inay mas’uuliyadeeda qaadato oo shacabka hor timaado.
HOOS KA AKHRI QORAALKAÂ
Halganka uu C/kariin Sh Muuse Qalbidhagax ku jiray waxaa jira halgano la mid ah oo damiirka shacabka ku dhexnool sida; qadiyada Falastiin, Kashmiir iyo Jabhada Moro ee Philippine. Dawladuhu waxay isku dayaan in ay si waaqici ah (pragmatic) ula falgalaan iyagoo eegaya duruufaha ku xeeran, tabarta xadidan iyo tan danbe ee ka dhalan karta, halka Shacabku ay ka eegayaan damiirka, dadnimada iyo duli ka cararka.
Tusaale Madaxweynaha Masar in kasta uu Xamaas Aragagexiso u haysto in ay Ikhwaanul Muslimiin ka tirsan yihiin aaminsan yahay, hadana kuma dhaco in uu sarkaal Xamaas ka tirsan Israa’iil dhiibo ama Masuul Pakistan ah uu Sarkaal Kishmiir ah Hindiya u gacan geliyo.
Dhinaca kale, Dawladu ma Ilaaliso dan shakhsi keli ah waxay dhowrtaa dan qaran. Markii ay go’aan qaadanayso waxaa horyaala oo xeeris uga baahan in ay is bar bar dhigto danaha iyo halisyada ku gadaaman go’aanka ay arrinkaas ka qaadanayso.
Ma sahlana in dal Soomaaliya oo kale ah oo ay dadkiisu kala qayb san yihiin, ciidanna ay u yihiin dawladaha deriska ah oo ay Itoobiya ka mid tahay in madaxdiisa laga fisho halyeeynimo iyo halgan taageerid. Mana sahlana in qadiyad damiirka shacabka ku dhex nool sahal looga tilaabsado.
Madaxweynuhu wuxuu mar kasta magan u yahay talada dadka uu u xushay in ay siiyaan ra’yi miisaan oo lagu ilaalin karo damiirka shacabka iyo danta qaranka. Waxaase dawlada looga fadhiyaa in ay masuuliyada qaadato, dadka hortimaado oo ay la hadasho
