Madaxweynihii hore ee Puntland C/raxmaan Faroole ayaa afka furtay isagoo doorashada Soomaaliya ku tilmaamay mid musuq iyo handadaad lagu maamulay oo aan la aqbali karin wixii ka soo baxay.
Faroole oo ka mida dadka Doorashada uu ka hadlayo ku noqday xildhibaan ka tirsan Aqalka sare ayaa si buuxda u taageeray Qoraalkii dhowaan ka soo baxay beesha caalamka oo dalab loogu diray Madasha Qaran.
Wuxuu sheegay in doorashada loo adeegsaday awood dowladeed, ayka jiraan dad ku soo baxay cagajugleyn, handadaad iyo laaluush, taasoo loo baahnaa in wax badan laga qabto.
Wuxuu madaxda maamulka Puntland ku eedeeyay inay degaanadooda ka maqan yihiin waqti dheer iyadoo xaalad abaaro iyo colaado ka taagan yihiin isagoo si toos ah uga hadlay xaaladda magaalada Galkacayo oo uu sheegay la kala xiray isu socodkii dadka iyo ganacsiga taasina ay ku lug leeyihiin mas’uuliyiin ka tirsan xukuumadda Puntland oo dagaal oogeyaal cusub noqday.
Wuxuu ka deyriyay qaabka ay doorashada Soomaaliya u socoto iyo sida loo maamulay, oo dhali karta in wadanku xaalad halis ah galo.
Wadani.com
