Guddoomiyaha Gobolka Banaadir Cumar Maxamuud Maxamed (Cumar Filish) ayaa sheegay in dad badan oo Muqdisho ku nool ay la xanuunsanayaan cudurka Coronavirus ayna u dhinteen qaar ka mida oo la aasay iyo qaar kale oo aan weli la aaasin.
Isagoo la hadlay warbaahinta ayuu sheegay Duqa Muqdisho in dad uu yaqaan ay u dhinteen cudurka, isla markaana ay ahaayeen dad uu garanayo oo qaarkood la aasay, qaar kalena aan weli la aasin, sida uu yiri.
“Cudurka waa soo gaaray Muqdisho, dad badan ayaa u ildarran, qaarna waa u dhinteen anigu aan garanaayo oo aan dibad ka imaan oo dalkooda joogay ayaa u dhintay oo qaarna la aasay qaarna aan weli la aaasin…” ayuu yiri Duqa Muqdisho oo si cad u sheegin tirada dadka u dhintay cudurka.
Wasaaradda Caafimaadka ayaa kaliya xaqiijisay hal qof oo cudurka ugu geeriyooday Coronavirus, laakiin warka kasoo yeeray Guddoomiyaha G/Banaadir ayaa waxaa ka muuqata in dadka cudurka u dhintay in kuwa sida ay ka badan yihiin inta ay sheegtay wasaaradda Caafimaadka.
DHAGEYSO
