Kulan kedis ahaa oo aan hore loo qorsheyn ayaa magaalada Jabuuti ku dhex maray Madaxweynihii hore ee Soomaaliya Sheekh Shariif Sheekh Axmed iyo Madaxweyne Xasan Sheekh Maxamuud xilli ay socotay qaabilaadda wafdiyadii ka qeyb galay xafladii caleemo saarka madaxweynaha Jabuuti Ismaaciil Cumar Geelle.
Madaxweynaha Somaliya ayaa laga dareemayay inay la yaab iyo kediso ku noqotay la kulanka Shariif Sheekh Axmed oo ay markaasi wada joogeen Madaxweynaha Jamhuuriyadda Jabuuti, Ismaaciil Cumar Geelle iyo Hogaamiyaha Aqlabiyada Baarlamaanka Kenya Xildhibaan Aadan Barre Ducaale, waxaana uu si fiican u marxabeysiiyay madaxweynaha hore iyadoo qosol gariir laga dareemayay.
Shariif Sheekh Axmed ayaa ka mid ahaa madaxdii lagu casuumay caleemo saarka madaxweynaha Jabuuti Ismaaciil Cumar Geelle.
DAAWO SAWIRADDA
Wadani.com
