Madaxweynaha dowladda Federaalka Soomaaliya Xassan Sheekh Maxamuud ayaabooqday magaalada Bhopal ee dalka India oo si weyn loogu soo dhaweeyay, iyadoo ay tahay magaaladii uu uga baxay machadka macalimiinta farsamada iyo cilmi baarista intii u dhaxeysay sanadihii 1986kii ilaa 1988kii.
Maamulka iyo macalimiinta machadka uu muddada ardayga ka ahaa ayaa xaflad heer sare ah u sameeyay Madxaweynaha iyagoo ku maamuusaya aradaygoodii hore ee madaxweynaha noqday, Madaxweyne Xassan Sheekh Maxamuud ayaa khudbad ka jeediyay jaamacadda Barakatullah University oo ku taala isla magaalada Bhopal iyadoo lagu gudoonsiiyay darajada Masterka oo uu ku sameeyay Technical Edication Course intii uu wax ka baranayay dalka India waxaana uu khudbadiisa uga hadlay waayihiisii ardaynimo ee dalka India.
Madaxweynuhu waxa uu boqolaal arday ah iyo macaliinta sharaxaad dheer ka siiyay taariikhda Soomaaliya iyo xaaladda ay xiligan ku sugantahay si gaar ah dhibaatoyinkii ay soo martay iyo soo kabashadeeda,isagoo ku tilmaamay booqashada machadka iyo jaamacadda Barakatullah mid aan xusustiisa ka go,idoonin.
Duqa magaalada Bhopal ayaa qado sharaf madaxweynaha iyo xubnaha la socday ugu sameeyay xarunta looga arimiyo maamul goboleedkaasi. Waxaana sawiradii xafladda lagu soo bandhigay ka mid ahaa isagoo arday ah oo sharaxaad ka bixinaya Jaamacadda.
DAAWO SAWIRRO
