Talyaaniga ayaa iminka noqday dalka ay ku dhinteen tirada ugu badan dadka qaba cudurka Coronavirus ee COVID-19, waxaana 24-kii saac ee la soo dhaafay Italy ay shaacisay inay cudurka u dhinteen 427.
Talyaaniga oo ah dalka ugu weyn Yurub ee cudurka uu halakeeyay ayaa waxaa u dhintay ilaa hadda 3405 qof, waxaana dalka Shiinaha oo ahaa dalka uu cudurka ka bilowday ku dhintay dad gaaraya 3245, iyadoo uu sidaasi Talyaaniga ku noqday dalka cudurka COVID-19 uu ku dilay tirada ugu badan dunida oo dhan tan iyo intii uu cudurka sida weyn uga oo shaac baxay 21- Febraayo 2020.
Dadka Cururka Coronavirus sida ee Talyaaniga waxay gaarayaan 41,035. Arbacadii ayuu Talyaaniga diiwaan geliyay tiradii ugu badneyd ee maalin qura cudurkan u dhinta oo ahayd 475.
Guud ahaan dunida waxaa Coronavirus qaba 220,000 qof, iyadoo ay u dhinteen 8800 qof, haka 88,000 qof ay ka bogsadeen, sida ay sheegtay Jaamacadda Johns Hopkins University ee dalka Mareykanka oo xaaladda cudurkan la socota.
