Dagaalka Deefow waa isku dhac beeleed salka ku haya degaan iyo qabiil oo soo noqnoqday muddo sanad ka badanna soo socday iyadoo wixii dadaal ahaa ee loo galay ay mira dhali waayeen, waxaana nasiib darro ah in mar kale uu saaka dagaalkaasi dib u soo cusboonaaday oo qasaare kale degaankaasi ka dhacay markii beeshii hore loo saaray ay soo rogaal celisay oo ay dib u qabsatay degaankaasi.
Tallaabada dowladda hore uga qaaday dagaanka DEEFOW ma ahayn mid ku filan in xal laga gaaro dagaakaasi oo hadda u sii xuub siinaya mid weyn oo faraha looga gubto iyadoo gudaha Itoobiya abaabulku gaaray, ciidanka lasoo ururiyay iyo hubka ay wataanna u muuqdo mid aan ku ekaan doonin tuuladaasi ee Gobolka Hiiraan oo dhan uu saameyn doono.
Loogama baran in ciidamada AMISOM ay dagaalada noocan ahi wax ka qabtaan, waxaana tusaale kugu filan dagaaladii Sh/Hoose iyo Guriceel, waxaase looga fadhiyaa dowladda Muqdisho fadhida inay arrintan wax ka qabato, taasoo aan ahayn baaq iyo wafdiyo macne la’aan aan B/weyne dhaafin.
[ad name=”HTML-3″]
Tallaabadii wasiirka Gaashaandhigga dowladda Federaalka C/qaadir Sheekh Cali Diini ku tegay degmada Guriceel waxay ahaa fursad wanaagsan iyo dadaal loo galay in lagu qaboojiyo colaadii Guriceel iyadoo heshiis kmg ah oo ilaa iminka jira uu halkaasi ka dhaqan galay. Sidaas darteed dowladda federaalka waxaa la gudboon haddii ay daacad ka tahay wax ka qabashada dagaalada Deefow inay dirto wasiiro iyo wafdi culus oo degaankaasi wax ka bedel ku sameeya ama halkaasi la dejiyo ciidamo dhexdhexaad ah oo labada dhinac ka madax bannaan, kadibna la bilaabo waanwaan iyo heshiis dhab ah oo dadkaas wallaalaha ah lagu kala badbaadiyo.
Waajibaadka koowaad wuxuu ku dhacayaa wasaaradaha arrimaha gudaha iyo gaashaandhigga oo xaq loogu leeyahay inay colaadaasi ku baxaan, isla markaana aanay ku ekaan baaq afka ah, waxaan sugnaa waa tallaabo laga qaado dagaalka Deefow ee daba dheeraday, dowladuna ka baxdo daawashada dhiigga daadanaya.
Wadani.com
Muqdisho
[ad name=”HTML”]
[ad name=”HTML-5″]
[ad name=”HTML-4″]
