Wararka laga helayo dalka Mareykanka ayaa sheegaya in 7 sarkaal oo boolis ah la toogtay, isla markaana saddex ka ka mida ay dhinteen, kadib markii ay toogasho ka dhacday Baton Rouge oo ka tirsan Gobolka Lousiana.
Booliska ayaa la sheegay inay heleen war ku saabsan nin ku hubeysan qori oo maraya wado weyn oo halkaasi ku taalla, kadibna markii ay Booliska goobta tageen uu rasaas ku furay.
Afar sarkaal ayaa isbitaalka la dhigay iyadoo xaalkoodu halis yahay, Duqa degaanka Bariga Baton Rouge Kip Holden, ayaa sheegay in xaalada ay baarayaan weli, balse saddex sarkaal ay dhinteen.
Saraakiisha la dilay ayaa la sheegayaa inuu ka mid yahay taliyaha Booliska degaankaasi iyo ku xigeenkiisa, xaalada ayaa weli taagan iyadoo wararka ku saabsan dhacdadan ay hadda uun soo baxayaan.
Toogashada Lousiana ayaa imaaneysa iyadoo dhowaan magaalada Dallas lagu laayay saraakiil Booliska ah oo caddaan ah, waxaana dalka Mareykanka weli ka taagan naceybka dadka madow u qaadeen Booliska caddaanka ah ee falalka dilalka ah kula kaca dadka madow.
Wadani.com
