Ciidamada Ahlu Suna ee Gobolada Dhexe ayaa saaka weerar culus ku qaaday Degmada Dhuusamareeb ee xarunta Gobolka Galgaduud, halkaasoo dagaal ay kula wareegeen kadib markii ay si kedis ah dhowr jiho uga weerareen.
Wararka laga helayo Dhuusamareeb ayaa sheegaya in Ciidamada Ahlu Sunna uu dagaal ku qabsaday Saldhigga Dhuusamareeb iyo Guriga guddoomiyaha Gobolka Galgaduud oo markaa ka maqnaa ku sugan magaalada Jigjiga.
Qasaaraha dagaalka ayaa la sheegay inuu aad u kooban yahay iyadoo madaafiic iyo rasaas la maqlay, lamana soo werin sheegin qasaare waxayna wararkii ugu danbeeyay sheegayaan in ciidamadii dowladda Federaalka ay isaga baxeen Dhuusmareeb iyadoo gebi ahaanba ay la wareegeen Ahlu sunna.
Ciidamada Itoobiya ee tirsan AMISOM ka tirsan kuna sugan Dhuusmareeb ayaa la xaqiiijiyay inay daawanayeen dagaalka lagu soo qaaday, iyadoo wararka qaarkood ay ku eedeynayaan in ciidamadaasi ay taageerayeen kooxda weerarka soo qaaday.
Heshiis dhex maray dowladda Federaalka iyo Ahlu Sunna kadib dagaal ay Ahlu sunna kula wareegtay Guriceel ayaa u muuqda mid burburay, waxaana dagaalkan cusub uu ku soo beegmayaa iyadoo uu hakad ku jiro shirka dhismaha maamulka Gobolada Dhexe ee Cadaado.
Wadani.com
[ad name=”HTML-1″]
[ad name=”HTML-6″]
