Xukuumadda cusub ee Cumar C/rashiid ayaa codka kalsoonida ka heshay Baarlamaanka goor dhoweyd kadib markii maanta Baarlamaanku shir isugu yimid xaruntiisa Muqdisho, kana dhageystay Ra’iisal wasaraha iyo wasiirka Qorsheynta xukuumadda cusub Qorshaha xukuumada ku howlgaleyso. Guddoonka Baarlamaankana cod geliyay in xukuumadda kalsooni la siiyo iyo in kale. Waxayna natiijadii noqotay sida hoos ku qoran
[ad name=”HTML-2″]
Tirada Xildhibaanada joogay: 213
Tirada xildhibaanada ansixiyay: 191
Tirada xildhibaanada diiday: 22
Tirada xildhibaanada ka aamusay: 0
Sida uu ku dhawaaqay guddoomiyaha Baarlamaanka xukuumadda waxay ku ansaxday cod aqlabiyad ah, waxaana loo yeeray Ra’iisal wasaare Cumar C/rashiid inuu hadal kooban oo mahad celin ah jeediyo.
Waxaa hadal gaaban oo mahadcelin kooban ah jeediyay Ra’iisal wasaare Cumar C/rashiid, waxaana loo yeeray guddoomiyaha Maxkamadda sare Ceydiid C/llaahi oo dhaarinaya xubnaha Golaha wasiirada cusub oo si koox koox u dhaariyay. shirkii Baarlamaanka ayaa sidaas ku soo gabagaboobay iyadoo laga gudbay caqabadii weyneyd ee dhismaha xukuumadda.
Xildhibaanno diidan xukuumada ayaa isku dayay inay hakiyaan shirka maanta iyagoo ku dooday in xildhibaan kamida Baarlamaanka la dilay, balse buuq ka dhacay xarunta Baarlamaanka kadib waxaa cod loo qaaday in shaqada Baarlamaanka socoto iyo in la hakiyo waxaana inta badan xildhibaanadu u codeeyeen ina la shaqeeyo.
Waxay ahayd xukuumadii ugu danbeysay saddex magacaabid oo uu sameeyay Ra’iisal wasaare CCC, waxaana xukuumadani horyaala howl adag iyo dib u dhicii ku yimid howligii dowladda tan iyo Oktoobar sanadkii tegay oo khilaaf ka dhex aloosmay Ra’iisal wasaarihii hore iyo madaxweyne Xasan Sheekh.
Wadani.com
Muqdisho
[ad name=”HTML”]
