Xildhibaan C/llaahi Goodax Barre ayaa maanta gaaray Magaalada Beledweyne isagoo ka qeybgalay shirka dib u heshiisiinta ee ka socda magaaladaasi, wuxuuna khudbad uu ka jeediyay shirka ka sheegay in aayaha gobolka Hiiraan uu ku jiro gacanta inta shirka u socdo.
Xildhibaan Goodax oo hore ugu eedeeyay Madaxweynaha Soomaaliya inuu u eexanayo beeshiisa sida uu hadalka u dhigay ayaa Duubabka Dhaqanka gobolka Hiiraan ku bogaadiyay shirka ay fureen, isagoo u sheegay inay garab taagan yihiin.
Isagoo ka hadlay arrimaha siyaasadda ayuu sheegay in masiirka siyaasadeed ee gobolka Hiiraan mar walba go’aan ka gaari doonaan bulshada ku nool, balse la aqbali karin in wax aysan raali ka aheyn sidda uu hadalka u dhigay dusha sare looga keeno. wuxuuna ku eedeeyay madaxda dowladda federaalka inay kala qaybiyeen duubabka dhaqanka Gobolka Hiiraan
DAAWO SAWIRRO
GOOBJOOGE.COM
