Odayaasha iyo Nabaddoonnada Beesha Reer Aw-xasan ayaa digniin kasoo saaray Nabaddoon Beeshaasi ka tirsan oo uu xareystay La-taliyaha Amniga ee Maxamed C/llaahi Farmaajo Fahad Yaasiin oo hadda u sharxan kursiga xildhibaan ee Beeshaasi.
Qoraal ay soo saareen 10 odayaal iyo Nabaddoon isugu jira ayay cabasho uga muujiyeen Kursiga HOP086 ee yaalla magaalada Beledweyne, waxayna caddeeyeen in Maxamed Xuseen Axmed aanu ahayn Suldaan, Nabadoon ama Ugaas qabiil oo la doortey, balse uu ahaa wakiil saxiixe doorashadii 2016.
Odayaasha ayaa Nabaddoon Maxamed Xuseen Axmed ayey ku eedeeyeen inuu ku kacay arrimo ay ka mid yihiin:
1- Isagoo ahaa wakill saxiixihii doorashadil 2016, uuna hadda ku nool yahay goob qarsoon oon la garanaynin, isla markaana dilday codsiyo badan oo uga yimid odayaasha dhaqanka inuu la kulmo ama ka soo qaybgalo shirarkooda si looga tashado arimaha kursiga HOP086
2- Inuu muddo 6 bilood ah u xareysan yahay murashax ka mid ah musharixiinta u taagan kursigaas (Fahad Yaasiin), si uu ugu qoro ergo isaga u gaar ah oo aan lagala tashan Odayaasha Dhaqanka Beesha iyo Jifooyinka kursiga wada leh.
3. Shirar isdaba joog ah oo ay yeesheen Odayaasha Dhaqanka ee Beesha waxaa u soo baxday in Maxamed Xuseen Axmed aan lagu aamini Karin masiirka beesha, madaama uu isaga doortay in uu isu dhlibo hal musharax, xaqna uusan ulahayn Inuu qaado tallaabo uusan fasax uga haysan Golaha Dhaqanka ee beesha, isla markaana uusan dhexdhexaad ka abayn xulidda ergada kursiga Hop086, sidoo kale uu u gacan galay hal musharrax oo rabo in asaga kursiga loo xiro cid kalana aynan kula tartamin.
4. Odoyaasha Dhaqanka Reer Ow Xasan waxaa ka go’an in si waafaqsan habraaca Doorashada dalka loo madax baneeyo Hoggaanka Dhaqanka ee Beesha Reer Ow Xasan soo xulidda 5 ta xubnood ee Guddiga Farsamada, sidaasna ay 5 taas xubnood kusoo xulaan ergada 101da ah iyadoo laga talogalinaayo Odoyaasha Dhaqanka lyo guud ahaan xubnaha beesha.
Odayaasha waxay waxay Guddiga Doorashada ee heer Federaal FEIT, Guddiga Doorashada ee Dowlad goboleedka Hirshabeelle SEIT iyo Guddiga Xallinta Khilaafaadka Doorashada, ka codsadeen inay gacan nalagu siiyaan ka hortagga boobka abaabulan ee baalmarsan habraacyada doorashada dalka ee lala maagan yahay masiirka kursiga HOP086
1. Nabadoon Axmed Muxumed Xaaji Maxamuud
2. Nabadoon Xasan Cumar Abuukar
3. Nabadoon C/qaadir C/raxmaan Khalilf
4. Suldaan Sh. Ibraahim Sh. C/qaadir Sh. Cabdulle
5. Nabadoon Amiin Sh C/laahl Sh. C/deer
6. Nabadoon Sh. Maxamed C/laahi Goosaar
7. Nabadoon Raage Sh. Cumardaahir Sh C/laah
8. Nabadoon Sh. Cumar Caagane Xaaji C/samad
9. Nabadoon X. Maxamed Axmed Xaamud
10. Sh. Cismaan Macallin C/laahi Cali
