Mareykanka ayaa ku dhawaaqay heshiis uu diyaarado dagaal uga iibinayo dalka Qatar, arrintan oo ku soo beegantay iyadoo xiisad diblomaasiyadeed ka taagan tahay Khaliijka.
Heshiiska Mareykanka ku dhawaaqay ayaa waxaa ku cad in 36 diyaaradood oo nooca F-15 laga iibinayo Qatar, iyadoo qiimahoodu ku kacayo 12 Bilyan oo Doolar.
Bayaan ay soo saartay Wasaaradda Difaaca Mareykanka ayaa lagu sheegay in heshiiskan uu dalka Qatar siinayo awood, isla markaana sii xoojnayo iskaashiga labada dal ee Mareykanka iyo Qatar.
Dhinaca kale laba markab oo kuwa dagaalka ah ayuu Mareykanku u diray Qatar, iyagoo dhoolatus milateri la sameynaya ciidamada dalka Qatar, waxayna arrimahan oo dhami imaanayaan iyadoo madaxweynaha Mareykanka Donald Trump ku eedeeyay Qatar inay taageerto argagixisada.
