Dowlada Shiinaha ayaa qaaday tallaabadii ugu horeysay oo ay ergey gaara u magacawday Arrimaha Geeska Afrika oo ka mida meelaha xiisadaha colaaddaha ka taagan yihiin ee Afrika.
Ergeyga cusub ee Shiinada u qaabilsan Geeska Afrika ayaa loo magacaabay Xue Bing, isagoo noqday ergeygii ugu horeeyay ee dalkiisa uga wakiil noqon doona dalalka Geeska Afrika Geeska Afrika.
Wadamada Geeska Afrika oo ay colaaduhu ka jiraan sida Itoobiya, Eriteriya, Sudan iyo Soomaaliya ayaa ka mid ah wadamada uu ergeyga cusub ee Shiinaha ka howlgali doono
Xue Bing ayaa hore u soo noqday safiirka Shiinaha u fadhiya dalka Papua New Guinea, wuxuuna khibrad u leeyahay ka shaqeynta Afrika, Ameerika iyo dalalka Oceania, sida ay shaacisy Wasaaradda Arrimaha Dibadda dalka Shiinaha.
Shaqadiisu waxay noqon doontaa in uu ka shaqeeyo horumarinta qorshaha Dowladda Shiinaha ee Geeska Afrika oo ujeedkiisu yahay in lagu caawiyo wadamada gobolka “si ay u helaan xasillooni, horumar iyo barwaaqo mustaqbalka fog, sida uu sheegay afhayeenka wasaaradda arrimaha dibadda Shiinaha Wang Wenbin.
Mid ka mid ah caqabadaha ugu waaweyn ee Ergeyga Shiinaha wajihi doono ayaa aj Dagaalka ka socda dalkaItoobiya, oo ah waddanka labaad ee ugu dadka badan Afrika iyo gobolka miisaanka culus ee martigeliya xarunta Midowga Afrika ee dhismo uu Shiinuhu dhisay.
Danaha Shiinuhu ka leeyahay Geeska waxa ka mid ah saldhiga uu ku leeyahay dalka yar ee Djibouti, isaga oo isha ku haya marinka muhiimka ah ee maraakiibta caalamiga ah ee saliida bariga dhexe iyo badeecooyinka ka yimaada Aasiya u socdaalaan Yurub. Itoobiya oo aan bad lahayn waxay ku tiirsan tahay dekedda Jabuuti ganacsi.
Gobolka ayaa sidoo kale waxaa halis ugu jira xasillooni darro ka jirta Koonfurta Suudaan, halkaas oo Shiinuhu uu ku leeyahay maalgashi shidaal oo badan, iyo qulqulka ka imanaya Soomaaliya oo keenay weeraro lagu hoobtay oo ka dhacay dalka deriska la ah ee Kenya, halkaas oo Shiinuhu uu ka dhisayo mashaariic la taaban karo oo kaabayaasha dhaqaalaha ah.
