Madaxda dowladda Federaalka Soomaaliya iyo maamul Goboleedayda ayaa go’aan mideysan u gudbiyay AMISOM, kaasoo dalalka ciidamadooda ka mid yihiin AMISOM ay ka sugayeen.
Madaxweynaha Jamhuuriyadda Soomaaliya Mudane Maxamed C/llaahi Farmaajo oo ay weheliyaan Raiisul Wasaaraha Xukuumadda, Saraakiisha ugu sarraysay Ciidanka Xoogga Dalka, Madaxweynayaasha Dowlad Goboleedyada ayaa kulan muhiim ah la yeeshey hoggaanka Ciidamada AMISOM, Safiirrada dalalka ay ciidamada ka joogaan Soomaaliya iyo Wakiilka Midowga Africa.
Kulankan waxaa looga hadlay amniga guud ee dalka, dagaalka ka dhanka ah Alshabaab iyo xoojinta wada shaqaynta ka dhexaysa Ciidamada Qalabka sida iyo kuwa AMISOM, Waxaamna intii uu socday kulankaasi lagu gorfeeyey mideynta qorshaha dagaalka iyo abaabulka dalka looga ciribtirayo Alshabaab iyo kaalinta AMISOM ay ka qaadanayso dagaalka.
Danjirayaasha dalalka Ciidamada ay ka joogaan Soomaaliya ee kulankaasi ka hadlay ayaa sheegay in ay diyaar u yihiin ka qayb qaadashada howlgallada uu ku dhawaaqay Madaxweynuhu, iyaga oo tilmaamay in midnimada go’aanka iyo qorshaha Madaxda Soomaaliya heer qaran iyo heer dowlad goboleed ay ku dhiirigalinayso in ay laba laabaan dadaalkooda si ay u xaqiijiyaan nabadgyada dalka.
Madaxda Dalalka Ciidamada AMISOM ka socdaan oo uu dhowaan booqday Madaxweyne Farmaajo ayaa dalbaday in Soomaalida ay ka midoobaan siyaasadda si wadajir ah loo gaaro go’aan ku saabsan dagaalka lagu qaadayo Alshabaab.
SAWIRRO 
