Sii-hayaha Wasiirka Arrimaha Dibedda ee Soomaaliya Axmed Ciise Cawad ayaa beeniyey in la sii daayey laba dhakhtar oo u dhashay dalka Cuba oo muddo sannad iyo badh ah ay haystaan ururka Al-Shabaab.
Wasiir Cawad waxa uu sheegay in dawladda Soomaaliya ay ka shaqaynayso sii daynta dhakhaatiirtaasi, dadaalna ugu jiraan inay si nabad ah dalkooda ugu laabtaan, aynax iriir joogto ah la leedahay dowladda Cuba, laakiin wuxuu sheegay in wararka la baahiyeyee sii deynta dhaqaatiirraasi ay yihiin been abuur.
Labada dhakhtar oo lagu magacaabo Assel Herrera Correa iyo Landy RodrÃguez Hernández ayaa ay afduubteen maleeshiyada Al-Shabaab bishii April ee sannadkii hore, waxaana laga afduubtay gobolka Mandera ee Kenya.
Afduubka kadib ayaa la sheegay in la geeyey dadkaasi dhinaca Soomaaliya ayna gacanta ku hayeen maleeshiyada Al-Shabaab. Labada dhakhtar oo kala ah dhakhtar xanuunnada guud iyo dhakhtar qalliinka ah ayaa ka mid ahaa koox dhakhaatiir ah oo Cuba ay u dirtay Kenya si ay uga gargaaraan dhinaca caafimaadka.
