Faahfaahin dheeraad ah ayaa laga helayaa Dil xalay ka dhacay magaalada Muqdisho, gaar ahaan degmada Wadajir oo loo geystay sarkaal ka tirsanaa ciidamada Dowladda.
Weerarka ayaa koox hubeysan ku khaarijisay sarkaal ka tirsanaa ciidamada melleteriga Dowladda, gaar ahaan ciidamada kumaandooska ee Gorgor, kaasoo lagu soo tababarray dalka Turkiga.
Dableyda oo ku hubeysnaa Baistoolado ayaa goobta ka baxsaday markii ay khaarijiyeen sarkaalka oo magaciisa lagu sheegay Maxamed Cali Yarami, waana sarkaalkii ugu horeeyay ee Alshabaab beegsato, kana tirsan ciidamada Gorgor.
Ashabaab ayaa sheegatay dilka sarkaalkan waxayna War ay soo saartay ku sheegtay in ciidamo ka tirsan ay howlgal gaara ku beegsadeen sarkaalkan oo ahaa taliye horin oo ka tirsan ciidamada Gorgor, magaciisana ku sheegeen Axmed Cali.
Ma jiro wax war ah oo kasoo baxay Taliska ciidamada dowladda Soomaaliya oo ku saabsan dilka sarkaalkan.
