Faafaahin dheeraad ah ayaa ka soo baxaya qaraxii ismiidaaminta ahaa ee loo adeegsaday Gaari laga soo buuxiyay waxyaabaha qarxa ee ka dhacay maanta hotelka SYL ee kasoo horjeedka Muqdisho oo ay ku sugnaayeen wafdi Turki ah oo hordhac u ah socdaalka madaxweynaha Turkiga ku imaan doono magaalada Muqdisho Jimcaha Berito.
Qofkii qaraxa geystay iyo 4 qof oo kale ayaa la xaqiijiyay inay ku dhinteen qaraxaasi, waxaana dhaawac kasoo gaaray dad ku dhow 8 qof.
Wafdiga Turkiga ayaa la sheegay inaysan waxba kasoo gaarin weerarkaasi sida ay sheegeen Booliska Soomaaliyeed. Wasaarada arrimaha dibadda Turkiga oo war ka soo saartay qaraxa Muqdisho ka dhacay ayaa caddeysay in qaraxaasi aysan waxba ku noqon cida ka tirsan wafdiga Turkiga. ” Madaxweynaha Turkiga sidii qorshaha u ahayd wuxuu Soomaaliya booqan doonaa Jimcaha, mana jiro wax isbedel ah oo ku dhacay” ayaa lagu yiri war kasoo baxay xafiiska madaxweynaha Turkiga.
Madaxweynaha Turkiga ayaa hadda socdaal ku maraya dalka Itoobiya, waana socdaalkii koowaad ee uu SOomaaliya ku yimaado isagoo madaxweyne ah, hore ayuu Muqdisho u booqday 2011 xilligaas oo uu ahaa Ra’iisal wasaaraha Turkiga.
Goobjooge.com
Muqdisho
[ad name=”HTML”]
