Guddiga Doorashada Heer Federaal ee FEIT ayaa qoraal uu soo saaray uga hadlay xafladda dhaarinta xildhibaannada cusub ee la qorsheeyay inay dhacdo Khamiista 14-ka April 2022.
Guddiga ayaa ku adkeystay inay sida loo qorsheeyay u dhaceyso doorashada, isla markaana wuxuu farriin u diray xildhibaannada aan weli qaadin Shahaadadda xildhibaannimo iyo aqoonsiga inay degdeg u qaaaan.
“Waxaan halkan idinku wargelinaynaa in maalinta Khamiista 14-ka April, 2022 ay tahay maalinta la qabanayo munaasabadda dhaarinta Xildhibaanada cusub. Waxaan Xildhibaanada Sharafta leh ka codsaneynaa in Saacaddu markay tahay 10:00AM, ay isugu yimaaddaan Hoolka Teendhada ee Afisooni.”
Guddiga FEIT ayaa farriintan u diray xildibaannada cusub ee Baarlamaanka 11-aad “Waxaana si xushmad leh idiinka codsaneynaa inaad ilaalisaan waqtiga islamarkaana aad u soo diyaar garowdaan Munaasabaddaas”
Inta badan xildhibaannada laga soo doorto maamulka K/Galbeed ayaa weli qaadan shahaadada, taasoo ay ugu wacan tahay in madaxweynaha maamulkaasi uu sidaasi ka dalbaday, isagoo ka diidan 3 xubnood oo Guddiga FEIT ka reebay xildhibaannada kasoo baxay magaalada Baydhaba.
