Xaflad lagu soo dhoweynayo Guddoomiyaha G/Baaadir, ahna duqa magaalada Muqdisho ayaa maanta ka dhacday magaalada Muqdisho, iyadoo ay tahay xafladii saddexaad ee loogu dabaal degayo magacaabidiisa oo xilka loo magacaabay laba bilood ka hore (22-kii Ogost 2019).
Xaflad ayaa waxaa la sheegay lag soo dhoweynayo Gudoomiyaha Gobolka Banaadir Cumar Maxamuud Maxamed (Cumar Filish), waxaana si gaara u agaasimay Beelaha Banaadiriga oo maamuus ugu sameeyay Duqa Muqdisho, iyagoo soo dhoweyn iyo ballanqaad la shaqeyn ah halkaasi kasoo jeediyey.
Waa xafladii saddexaad ee loogu dabaaldego magacaabidda Guddoomiyaha G/Banaadir, waxaana xafladahaasi ku baxa lacago fara badan, iyadoo dadka qaarkii ay si weyn u dhaliillaan xafladaha noocaasi ah xilli caasimadda ay wajaheyso xaalado amni, nadaafad darro iyo wadooyin ay xireen daadad, iyadoo aan weli xal loo helin wadooyinka xiran.
