Ra’iisal wasaaraha xukuumadda Soomaaliya C/weli Sheekh Axmed oo dagaal siyaasadeed uga furan yahay madaxweyne Xasan Sheekh Maxamuud ayaa markii ugu horeysay helay fursad uu kula bahoobay guddoomiyaha Baarlamaanka Maxaamed Sheekh Cusmaan (Jawaari) oo xaalad halis ah ka soo food saartay qorshaha maamul u sameynta Koonfur Galbeed ee Soomaaliya, kana socda magaalada Baydhaba.
Madaxweynaha ayaa watay qorshe ah in shirka dib uga furmay Baydhaba degdeg loo soo gabagabeeyo, ergada shirkana ay doortaan madaxweyne KMG ah oo loo diyaariyay Shariif Xasan Sheekh Aadan oo hadda ah xildhibaan ka tirsan Baarlamaanka. Qorshaha madaxweynaha oo u qarsoonaa ee xilligii ugu danbeeyay ayuu ka war helay guddoomiyaha Baarlamanka Md. Jawaari oo si weyn u diidan Shariif Xasan.
Ra’iisal wasaare C/weli ayaa fashiliyay qorshaha madaxweynaha ee ahaa in ergada shirka Baydhaba ay doortaan madaxweyne, isagoo dib u dhigay furitaankii shirka, taasina waxay keentay inay culeys ku keento qorshihii Madaxweynaha iyo Shariif Xasan Sheekh Aadan. Shirka oo furmi lahaa 25-ka Oktobar ayaa dib loogu dhigay amar ka yimid ra’iisal wasaaraha oo heshiis la ah guddoomiyaha Baarlamaanka si looga hortago qorshaha in shirkaasi degdeg madaxweyne loogu doorto Shariif Xasan Sheekh Aadan.
Wadahadalo ay galeen madaxweynaha iyo guddoomiyaha Baarlamaanka ayaa kadib madaxweynuhu ku oglaaday qorshaha Jawaari ee ah in ergada shirka Baydhaba aanay dooran madaxweynaha, balse ay ansixiyaan Dastuur, kadibna soo xulaan Baarlamaan, kaasoo kadib dooran doona madaxweyne uu yeesho maamulka Koonfur Galbeed ee Soomaaliya. Taasina waxay keentay inuu madaxweynuhu dib ka furo shirka.
Dhinaca kale Prof. Jawaari ayaa u muuqda inuu ka faa’iideystay safarrada badan ee madaxweynaha iyo kusimaha uu yahay isagoo si la yaab leh u ayiday qorshe kale oo Ra’iisal wasaare C/weli ay ku heshiiyeen inay ku hakiyaan shirka maamul u sameynta Koonfur Galbeed Soomaaliya ee Baydhaba ka socda, wuxuuna si buuxda u taageeray hakinta shirka iyo u yeerista Guddiga shirka wada inay wadatashi u yimadaan Muqdisho oo ahayd arrin ay isla ogaayeen Gudddoomiyaha Baarlamaanka iyo Ra’iisal wasaaraha, laguna soo saaray wareegto ka soo baxday shalay xafiiska Ra’iisal wasaaraha (Kasoo rogo halkan) [download id=”632″]
HOOS KA DAAWO AYIDAADDA GUDDOOMIYAHA BAARLAMAANKA EE GO’AANKA RA’IISAL WASAARAHA
[ot-video type=”youtube” url=”https://www.youtube.com/watch?v=_pCaraRH_i0″]
Guddoomiyaha Baarlamanka ayaa isbaheysiga uu la galay ra’iisal wasaaraha uu yahay mid aan istiraatiiji ahayn oo ku saleysan arrimo dano siyaasadeed oo degdeg ah, laakiin waxaa cad inay labada nin aad isugu baahan yihiin si mid waliba uga guuleysto caddowgiisa waqtiga dhow.
Wadani Info
Muqdisho Somalia
[ad name=”HTML”]
