Wararka laga helayo magaalada Muqdisho ayaa sheegaya in iska hor imaad ka dhacay Isgoyska Dabka iyo agagaarka guriga taliyaha ciidamada Booliska gaarka ah ee Haramcad Faarax Maxamuud Qaroole ee degmada Waaberi magaalada Muqdisho.
Warar kala duwan ayaa kasoo baxaya is-rasaaseynta labada ciidan, waxayna wararka qaarkood sheegayaan in Ciidamo ka tirsan Asluubta ay weerar ku qaadeen Guriga Taliyaha Ciidamada Booliska ee Haramcad, iyadoo aan la ogeyn sababta weerarka keentay, waxaana iska hor imaad dhex maray ilaalo la joogtay taliyaha Haramacd iyo ciidamada weerarka soo qaaday lagu dhaawacay mid ka mida ciidamadaasi.
Askari dhaawac ah iyo shan askari oo kale ayaa falkan ku lug lahaa, waxaana la geeyay xarunta baarista Booliska, waxaana la sheegay in baaritaan lagu bilaabay falkan oo markii hore ku bilowday isku dhac laba ciidan.
