Sida ay qortay jariirada Daily Nation Dowladda Soomaaliya ayaa heshiis hal sano ah la gaartay Sharikad Mareykan ah oo olole u galeysa in kaalmada Mareykanka uu siiyo Soomaaliya aanay istaagin.Xukuumadda Washington waxay $900 Milyan u qoondeysay howlgalka Midowga Afrika ee AMISOM. Dowladda Soomaaliya ayaa hadda ku jirta xaalad ay si weyn ugu baahan tahay taageerada Mareykanka ee maaliyadeed iyop milateri, taasoo haddii ay dhici weydo uga dhigan guuldarro.
Dowladda Mareykanka ayaa Soomaaliya ku bixisay $2 Bilyan oo dollar oo gargaar iyo horumarin isu jiray Tobankii sano ee la soo dhaafay. Dowladda Soomaaliya waxaay qandaraas Sanad ah la saxiixatay Senatarkii hore ee Xisbiga Jamhuuriga ee Dalka Mareykanka Alfonse Marcello D’Amato,si uu dowladda Soomaaliya uga difaaco eedaha la xiriira Musuqa ee horseedi kara in Mareykanka kaalmada maaliyadeed ka jarto Dowladda Soomaaliya.
Soomaaliya $120,000 oo dollar ayey kula heshiisay Sharikadda Senatar Alfonse Marcello D’Amato, madaxda ka yahay,waxaana ay u qaadaneysaa kharashka shaqada,halka $36,000 oo dollar oo kalena uu u qaadanayo kharashaadka safarka.
Waaxda Caddaaladda Mareykanka ayaa saartay warbixin dowladda Soomaaliya fareysa in gargaarka Mareykanka ee bani’adamnimada aysan u adeegsan u shaqada uu u qabanayo Alfonse Marcello D’Amato.
“Park Strategies,oo ah sharikadda Sanatarka ee dowladda Soomaaliya la heshiisay waxaa ay matali doontaa Soomaaliya iyada oo u ololeyneysa in aan Soomaaliya laga jarin kaalmada Mareykanka ,waxaana ay ka shaqeyn doontaa joogteynta Xiriirka Dowladaha Mareykanka iyo Soomaaliya”.
Dowladda Mareykanka ayaa AMISOM ku bixisay $900 Milyan oo dollar,sidoo kale waxaa ay $750 Milyan oo doolar ku bixisay howlaha Qaramada Midoobey ee Soomaaliya. 500, oo Askarta Mareykanka ah ayaa jooga Soomaaliya,waxaa ay AMISOM iyo dowladda Soomaaliyaba ka caawiyaan tababarka iyo farsamada Ciidamada Soomaaliya.
Musuqa.
Dowladda Mareykanka ayaa dib uga fiirsan karta taageeradeeda Soomaaliya kaddib markii ay heshay caddeeymo musuqa la xiriira oo siyaasadda iyo milatarigaba ay ku jiraan.
Waaxda arrimaha dibadda Mareykanka iyo Warbixin ay soo saartay Qaramada Midoobey ayaa lagu sheegay in Ciidamada Soomaaliya aysan awood u lahayn in ay la wareegaan amniga Soomaaliya,iyada oo mareykanka uu qarash iyo waqti badan kaga baxay.
Mr D’Amato, oo ah Sanatar hore oo Jamhuuri ah waxaa uu ku dhex fir fircoonyahay Xisbiga Jamhuuriga ah, waxaana uu danaha Soomaaliya ka difaaci karaa agagaarka Donald Trump.
Waxaa uu saaxiib la yahay saraakiil badan oo ka tirsan aqalka cad ee Mareykanka, sidoo kale waxaa uu ka mid ahaa dadkii u ololeeyay in uu Trump madaxweyne noqdo,waxaana uu saaxiibo badan ku leeyahay labada aqal ee Mareykanka oo ay Jamhuuriyiintu aqlabiyadda leeyihiin.
HOOS KA AKHRISO QORMADA
