Ciidamo Itoobiyaan ah oo wata ilaa 40 baabuur oo kuwa ciidanka iyo sahayda ah ayaa maanta gelinkii dambe soo gaaray magaalada Baydhaba.
Ciidamadan oo kasoo ruqaansaday Bakool, soona maray jidka u dhaxeeya Waajid iyo Baydhaba ayaa la kulmay weerarro uga yimid Alshabaab iyadoo mid ka mida gawaarida gaashaan ay miino kula kacday agagaarka magaalada Baydhaba.
Wararka laga helayo magaalada Baydhaba ayaa sheegaya in ciidamadan Itoobiyaanka ah ay ku wajahan yihiin degaanka Leego iyagoo degi doona saldhigii ay banneeyeen ciidamada AMSIOM ee ka socda Uganda oo halkaas ka baxay Khamiistii.
Lama oga sababta ay labada ciidan isku bedeli waayeen, waxaana Alshabaab ay dib u qabadeen degaanka Leego, halkaasoo ciidamada Itoobiyaanka oo ku soo jeeda uga baahan inay dib uga qabsadaan Alsahbaab mar kale haddii aysan isaga bixin.
GOOBJOOGE
