Faahfaahin dheeraad ah ayaa laga helayaa dagaal saaka ka dhacay degmada Doolow ee Gobolka Gedo, kadib markii maleeshiyi beeleed weerar ku qaaday Garoonka Diyaaradaha.
Iska horimaadka ka dhacay Garoonka degmada Doolow ayaa u dhaxeeyay ciidamada dowladda iyo kuwa Itoobiya oo dhinac ah iyo maleeshiyada Beeleed, waxaana halkaasi ka dhashay khasaaro isugu jiro dhimasho iyo dhaawac.
Wararka ayaa sheegaya in weerarka uu ku geeriyooday taliyihii Amniga Garoonka Doolow Maxamed Xuseen Cabdullaahi (Ganey), waxaana jira qasaare kale oo dhimasho iyo dhaawac leh .
Xogta la helay ayaa sheegeysa in dagaalku yimid, markii uu soo baxay war ku saabsan in laga dhoofinayo Doolow Gaashaanle C/llaahi Maxamed Cosoble loo heysto Dilka wiil ku eedeysnaa kiiska Taliyihii Ciidan oo lagu qarxiyay Beledxaawo Marxuum Aadan Garaac, kaasoo oo Maxkamadeyntiisu ka socotay Doolow.
Waxaa Doolow ku sugnaa Maxkamadda Ciidamada Qalabka sida oo uu hoggaaminayey Guddoomiyaha Col. Xasan Cali Nuur Shuute, iyo xeer ilaalinta Maxkamadda Ciidamada, kadib xaalad kacsan oo halkaasi ka taagneyd.
Waxaa lagu waxay in dacwadda sarkaalkan oo markii hore Muqdisho ka tegay lasoo gabagabeeyo, laakiin waxaa soo kordhay falkan weerarka ah, iyadoo aan la shaacin xukunka sarkaalka lagu riday, waxayna arrintii isu bedesho weerar qasaare kale geystay.
Xaalada magaalada Doolow ayaa kacsan, iyadoo dagaalku istaagay, waxaana Garoonka Doolow isku horfdhiya labada dhinac ee dagalamay.
