Madaxweynaha Hirshabeele Maxamed Cabdi Waare ayaa shaaciyey inuusan ka qeyb galeynin shirka Golaha Iskaashiga madaxda Maamul Goboleedyada ee la sheegay inuu ka furmayo magaalada Garowe.
Ware oo Magaalada Jowhar saxaafadda kula hadlay ayaa sheegay in shirka Golaha iskaashiga dowlad goboleedyada ee Garowe aanu uusan sharci ahayn haddii uu isaga ka maqan yahay, lana qaban karin shir noocaas oo kale ah la’aantiis maadaama uu yahay guddoomiye ku xigeenka Golaha.
Madaxweyne Waare waxaa uu sheegay in Hirshabeelle iyo dowlad goboleedyadda uu ka dhaxeeyo xiriir Wanaagsan, balse aysan aqbali doonin Golaha Iskaashiga ay shiraan Hirshabeelle oo aan ogeyn ama beesha caalamka ay kula hadlan magaca Golaha.
Hoos ka dhageyso Madaxweyne Maxamed Cabdi Waare
