Madaxweynaha Uganda Yoweri Museveni ayaa wilkiisa u magacaabay Taliyaha ciidamada dalkaasi oo ah xilka labaad ee ugu sarreeyo militariga dalkaasi.
Jeneraal Kainerugaba Muhoozi dhowaan loo dalacsiiyey Sareeye Guuto, waana 44 sano jir ciidamada ku soo jiray ilaa sanadkii 1999-kii, isagoo ah aabe saddex caruur ah leh, waxaana u dhaxda haweeneyda lagu magacaabo Charlotte Cainerogaba.
Wiilkan ayaa la aamisan yahay inuu aabihii u diyaarinayo xilka madaxweynaha dalkaasi. Yoweri Museven ayaa hadda da’diisu tahay ah 81 sano jir, wuxuuna marar badan beeniyey wiilka inuu biirayo siyaasadda.
Jen.l Muhoozi ayaa 6-dii sano ee ugu danbeysay la dalacsiiyay ilaa saddex jeer, hadda waxaa loo magacaabay ninka labaad ee ugu sarreeyo militariga Uganda, waxaa hadda ka sarreeyaa oo kaliya ah aabihiis Yoweri Museveni oo ah madaxa ciidammada qalabka sida.
Tan iyo sanadkii 2017-kii, waxaa uu ahaa la taliyaha madaxweynaha dhanka howlgalada gaarka ah. Waxaa sidoo kale xilalka la dalacsiiyay in ka badan 2,000 sarkaal oo ka ag dhaw jeneral Muhoozi.
