Madaxweynaha dowladda Federaalka Soomaaliya Md. Xasan Sheekh Maxamuud oo ku howlan sidii uu u soo magacaabi lahaa Ra’iisal wasaarihii saddexaad inta uu xilka hayo ayaa ku dhaqaaqay tallaabo uu ku doonayo inuu ku kala furfuro xildhibaanadii taageeray Ra’iisal wasaare C/weli Sheekh oo la sheegay inahy wadaan isku day ay ku midoobayaan, kuna sameysanayaan koox isbaheysi ah oo ka horjeeda siyaasadda madaxweynaha iyo kooxdiisa dalka ku hogaaminayaan.
Madaxweynaha ayaa la sheegay inuu siyaabo kala duwan ula xiriiray xubno ka tirsan xildhibaanadaasi kuwaasoo oo ka diiday inay shaqsi ahaan ula macaamilaan, waxayna wararku sheegayaan in madaxweynaha uu dalbaday kulan gaara oo uu la yeesho guddi ka socda xildhibaanadaasi oo dhowaan dhici doona.
Xildhibaanada taageeray Ra’iisal wasaaraha ayaa sii wada kulamo ay ku leeyihiin Muqdisho waxayna wadaan qorsheyaal ay ku midoobayaan. taasoo khalkhal gelisay kooxda madaxweynaha oo u arka in isbaheysi noocaasi ah khatar gelin karo danihii ay ka fushan lahaayeen Baarlamaanka. Lama oga in madaxweynaha ku guuleysan doono kala daadinta xildhibaanadan iyo inay sii wadi doonaan isku xirnaanshahooda.
Goobjooge.com
Muqdisho
[ad name=”HTML”]
