Tan iyo kalsooni kala noqoshadii xukuumadda C/weli Sheekh Axmed oo ku beegneyd 6-da Bishan Disembar waxaa soo if baxayay warar kala duwan oo ku saabsan Ra’iisal wasaaraha cusub iyo qofka uu noqon doono. Waxaa iska soo daba dhacayay warar ku saabsan shaqsiyadda Ra’iisal wasaaraha saddexaad ee dowladda Federaalka iyo qofka loo xulan doono.
[ot-caption title=”MUSHARIXIINTA UGU CADCAD JAGADA RA’IISAL WASAARAHA CUSUB” url=”http://goobjooge.com/wp-content/uploads/2014/12/RAIISAL-WASAAREYAAL.png”]
Wararka ku dhow madaxtooyada waxay miiska soo saareen ilaa shan ruux oo saddex kamida ay safka hore yihiin, kuwaasoo kala ah:
1. Xuseen Cabdi Xalane
Waa wasiirka Maaliyadda xukuumada kalsoonida weyday, wuxuuna aad ugu dhow yahay madaxweynaha iyo gaar ahaan Faarax Sheekh C/qaadir oo ah ninka gadaal ka taagan ee ku tirtirsiinaya madaxweynaha in jagada ra’iisal wasaaraha loo magacaabo. Loolankii hore loogu galay jagada ra’iisal wasaaraha ee lagu magacaabay C/weli Sheekh Axmed ayuu Faarax ku guul darreystay inuu musharaxan ka iibiyo madaxweynaha, wuxuuse hadda u muuqdaa inuu fursad fiican heysto.
2. Saciid C/llaahi Deni
Waa musharax kale oo jagadan loo saadaalinayo kana mida xubnaha ugu horeeya musharixiinta miiska u saaran madaxweynaha. Sidoo kale wuxuu ka mid ahaa golaha wasiirada C/weli Sheekh, wuxuuna ka hayay xilka Wasaaradda Qorsheynta, isagoo ka mid ahaa wasiirada ugu afka gaaban ee aan dhaqdhaqaaqooda la dareemin, inkastoo markii xilka loo magacaabay dhibaato weyn laga maray inuu aqbalo xilka, markii culeys beeshiisa ku saartay inuu diido xilka ama loogu daro Wasaaradda Qorsheynta (iskaashiga caalamiga ah) oo magac ahaan si aan sharci ahayn loo siiyay. Musharaxan waxaa isaga wata oo uu taageero ka heysta la-taliyaha siyaasadda ee madaxweynaha C/kariin Xuseen Guuleed.
3. Cumar C/rashiid Cali
Waa musharax dhowaangal ah oo hore ugu jirin musharixiinta jagadan, wuxuuna hore u soo noqday Ra’iisal wasaare xiligii kumeelgaarka ahaa, waa nin qabow oo degan, laguna meel marsan karo siyaasadda madaxtooyada ka socota. Mas’uulkan oo hadda ah safiirka Soomaaliya u fadhiya dalka Mareykanka waxaa taageeraya C/llaahi Sanbaloolshe oo ka mida saaxiibada madaxweynaha, isagoo u balanqaaday inuu la jaanqaadi karo siyaasadda kooxda.
Xulka jagada oo la filayo inaysan waqti badan ku qaadan madaxweynaha xilligan sida uu isaguba sheegay ayaa dhibaatada ugu weyni ka imaaneysaa saaxiibada madaxweynaha oo musharixiin kala duwan kala wata mid kastana doonayo in qofka uu wato loo magacaabo jagadan, halkii lagala tashan lahaa xildhibaanada iyo maamulada dalka ka jira.
Wadani.com
London
[ad name=”HTML”]
