Bannaanbixii ugu weynaa oo lagu taageerayo madaxweynaha Turkiga loogana soo horjeedo inqilaabkii dhicisoobay ee dalkaasi ka dhacay bartamihii July ayaa ka dhacay magaalada Istanbuul.
Madaxweynaha Turkiga Recep Tayyip Erdogan ayaa khudbad dheer ka jeediyay in ka badan laba milyan oo qof oo isugu soo baxay fagaaraha magaalada Istanbuul, isagoo u duceeyay dadkii ku dhintay iqilaabka ee is hor taagay ciidamada ee fashiliyay.
Ordogan salaamay dad tiro badan oo lulaya calanka dalka Turkiga, wuxuuna balan qaaday inuu dib u soo celin doono xukunkii dilka ahaa ee 1984-kii laga mamnuucay dalkaasi, waa haddii buu yiri baaralamanka uu arrintaasi ansixiyo.
Wuxuu ku dooday in dalalka Mareykanka, Shiinaha iyo dalal kale laga fuliyo xukunka dilka ah, balse ay Turkiga ka doonayaan inuusan fulin, wuxuuna ku gacan seyray diidmada uga timid qaar ka mida dalalka Yurub ee ka horjeeda in xukunka dilka ah la fuliyo.
Madaxweyne Erdogan ayaa khudbaddiisa ku caddeeyay inuu Turkiga ka nadiifin doono taageerayaasha wadaadka Fatxulah Gulen ee fadhigiisu yahay Mareykanka oo lagu eedeeyay inuu ka danbeeyay Afgembiga fashilmay.
DAAWO SAWIRRO
Wadani.com
