Madaxweynaha cusub ee dowladda Federaalka Soomaaliya Maxamed C/llaahi Farmaajo ayaa kulan la yeeshay maanta arrime-fuliyaha dowladda Qatar ee Soomaaliya.
Qoraal madaxweynuhu soo dhigay bartiisa ayuu ku sheegay inuu kulan la yeeshay arrime-fuliyaha dowladda Qatar uu qaabilsan Soomaaliya Xasan Bin Xamsa oo ay ka wadahadleen xiriirka qotada dheer ee labada dal ee walaalaha ah u dhaxeeya, sida uu yiri.
Kulankan ayaa ka mida kulamo xiriir ah oo Madaxweyne Farmaajo la yeelanayo safiirka caalamka u fadhiya Soomaaliya oo ugu tegaya hambalyo iyo xaqiijinta inaysan waxba iska bedelin xiriirkii Soomaaliya iyo dalalkaasi.
Dowlada Qatar ayaa la sheegay inay dhaqaale ku bixisay taageerada ololihii doorashada madaxweyne Farmaajo, waxayna ka mid tahay dalalka danaha gaarka ah ka leh Soomaaliya.
Qatar waxay hore u taageertay maxkamadihii islaamiga ahaa ee Soomaaliya iyo ururkii Xisbul islaam, waxaana dalkeeda magangelyo ahaa loo geeyay madax ka tirsanaa ururada xagjirka oo dowladda Soomaaliya isu dhiibay, waxayna muddo daba joogtay magangelyo siiso Sheekh Xasan Daahir Aweys
Wadani.com
