Madaxweynaha dowladda Federaalka Soomaaliya Maxamed C/llaahi Farmaajo ayaa dhowaan shirar la yeeshay odayasha dhaqanka beelaha qaarkood.
Shirarka oo ahaa dalab ka mida yimid Madaxweyne Farmaajo ayaa ku koobnaa beelaha H/Gidir iyo Abgaal oo maalmo isku xiga uu la kala kulmay, isagoo kala hadlay taageerada dowladiisa iyo awood qeybsiga beelaha.
Kulankii Farmaajo iyo Odayaasha Beesha H/Gidir ayaa la sheegay inuu is maandhaaf dhex maray Madaxweynaha iyo odayaasha beeshaasi oo madaxweynaha ku eedeeyay inuu u gefay beeshooda.
Arrintan oo keentay inuu ka cudurdaarto madaxweyne Farmaajo ayaa ku bilaabatay markii uu sheegay inay taladiisu ahayd beelaha waaweyn inaan xilal sare loo dhiibin, isla markaana uu iskula taliyay intii uu beesha Habargidirna Ra’iisal wasaare u magacaabi lahaa inuu magacaabo shaqsi kasoo jeeda Beelaha Gugundhabe.
Kaftankii madaxweynaha ayaa isu rogay godob ay ka tirsadeen odayaasha H/Gidir oo oday dhaqameed ka mida uu Farmaajo ku tilmaamay mid ay gaaban tahay aqoontiisa dadka Soomaaliyeed, isagoo ku qabsaday inuu Gef bareer ah kula kacay Beelweynta Habargidir.
Is-maandhaafka ayaa lagu xaliyay markii uu cudurdaartay madaxweyne Farmaajo oo ka raali geliyay hadalkiisu inuusan xumaan ula jeedin.
Wadani.com
