Madaxweynaha Soomaaliya Mudane Xasan Sheekh Maxamuud ayaa markii ugu horeysay ka hadlay mooshinka laga ansixiyay baarlamaanka Federaalka Soomaaliya ee sharci darrada ka dhigay dhismaha Baarlamaanka KMG ah ee Jubba isagoo xukuumada ka dalbaday inay xal ka gaarto cabashooyinka ka jira dhismaha maamulka Jubba.
Wuxuu madaxweynuhu sheegay in isaga iyo Ra’iisal Wasaare Cumar Cabdirashiid ay maamulka Jubba kala hadleen xalinta cabashooyinka jira, iyadoo la ay isku afgarteen in la sameeyo guddi heer wasiirro ah oo dhex gala arrinta kana talo bixiya qaabka ugu wanaagsan ee beelaha wada dega gobolada Jubbooyinka loo qancin lahaa.
Hadalka madaxweynaha ayaa soo baxay kadib markii Baarlamaanka uu sharci darro ka dhigay Baarlamaanka KMG ah ee Jubba isla markaana maamulka Jubba xiriirkii u jaray dowlada Federaalka, taasoo ah xilli ay meesha ka baxday waanwaantii xukuumadda waday oo laf ahaanteeda aan ahayn mid muuqata iyadoo madaxweynuhu u muuqdo mid mas,uuliyadda arrintan ku wareejiyay xukuumadda Cumar C/rashiid.
Xukuumadda Ra’iisal wasaare Cumar C/rashiid ayaan u muuqan mid wax ka qaban karta xaaladda cakiran ee Jubbooyinka iyadoo markii horeba ka gaabisay inay soo dhex gasho mooshinka.
Wadani.com
[ad name=”HTML-1″]
[ad name=”HTML-6″]
