Madaxweyne Xasan Sheekh oo ku dhawaaqay caasimadda & magaalada marti gelineysa Maamulka KMG ah ee Hiiraan & Sh/dhexe

Madaxweynaha dowladda Federaalka Soomaaliya Xasan Sheekh Maxamuud ayaa caasimad maamul goboleedka KMG ah ee Gobolada Hiiraan iyo Sh/Dhexe u magacaabay magaalada Buuloburte ee Gobolka Hiiraan.

Wareegto ka soo baxday xafiiska madaxweynaha Soomaaliya ayaa lagu sheegay in Buuloburte ay noqoneyso caasimadda maamulka KMG ah ee gobolada Hiiraan iyo Sh/dhexe iyadoo magaalada Jowhar ay iyaduna marti gelin doonto shirka maamulka loo sameynayo labada gobol.

Madaxweynaha ayaa u muuqda inuu isagu qaatay shaqadii ay qaban lahaayeen ergada shirka kadib markii muran muddo jiitamayay lagu guuleysan waayay in hore loogu socdo shirka maamul u sameynta labada gobol.

HOOS KA AKHRISO WAREEGTADA MADAXWEYNAHA

XEER MADAXWEYNE LR. 86                    TAARIIKH: 19/12/2015

MAGACAABIS CAASIMAD GOBALEEDKA MAAMULKA KMG AH EE HIIRAAN IYO SHABBEELLADA DHEXE

MADAXWAYNAHA J.F.S

MarkuuArkay    :  Qodobka  87aad, Xarafka ‘C’,  Qodobka 90aad, Xarafka ‘K’ iyo 99aad, Xarafka ‘G’ ee

Dastuurka J.F.S.

MarkuuArkay    :  SharciLr. 116 eesoobaxayOgosto 6, 2013 kunasaabsansharcigamaamullada

DegmooyinkaiyoGoballadadalka

MarkuuTixgaliyey :Dareenka dadweynaha iyo Soo jeedinta odoyaasha Dhaqanka iyo siyaasiyiinta kasoo jeeda

Goballada Hiiraan iyo Shabeellada Dhexe

MarkuuGarwaaqsaday:  inay lagama maarmaan tahay ilaalinta wadajirka shacabka Soomaaliyeed iyo

xallinta khilaafaadyada iyo inay jirto baahi loo qabo dhisidda Maamullada Gobollada Iyo Degmooyinka dalka si ay u dhisman Dowlad- goboleedyo Dastuurka waafaqsan

WAXA UU SOO SAARAY XEERKAAN:

Qodobka 1^aad

Wuxuu Madaxwaynaha J.F.S ansixiyay laga billaabo maanta oo ay taariikhdu tahay 19/12/2015 in Magaalada Buulaburde oo ka mid ah degmooyinka Gobalka Hiiraan ay noqoto Caasimadda Maamulka KMG ah ee Goballada Hiiraan iyoS habeellada Dhexe ay yeelanayaan.

Qodobka 2^aad

Magaalada Jowhar oo ah magaalo madaxda Gobalka Shabeellada Dhexe ayaa noqoneysa MADASHA marti-galineysa shirka maamul-dhisashada Goballada Hiiraan iyo ShabeelladaDhexe.

Qodobka 3^aad

Sagaashan (90)  cisho gudahood buu maamulka cusub ee Goballada Hiiraan iyo Shabeellada Dhexe dhistaan ugu guuri doonaa magaalo madaxda maamulka oo ah Buuleburde.

Qodobka 4^aad

Waxa uu Xeerkan dhaqan gelayaa marka uu Madaxweynuhu saxiixo, waxaana lagu soo daabici doonaa Faafinta Rasmiga ah Dowladda JFS.

MUQDISHO: 19/12/2015

Madaxweynaha J.F.S

Mudane Xasan Sheekh Maxamuud