Iyadoo maanta la xusayo sanadguuradii koowaad ee fashilkii afgembigii dhicisoobay dalka Turkiga ayaa la sheegay inay Soomaaliya kaalin weyn ka gashay.
Madaxweynihii hore ee Soomaaliya Xasan Sheekh Maxamuud ayaa noqday madaxweynihii ugu horeeyay ee cambaareeyay afgembiga, isla markaana la xiriir toos ah la sameeyay madaxweynaha Turkiga Rajeb Dayyip Ergodan.
Go’aanka ay dowladda Soomaaliya qaadatay ayaa ahaa mid dhacay xilli uu socdo afgembiga oo xaaladda aanay kala caddeyn, waxayna arrintan keentay inay xusuus gaara u noqoto Turkiga.
Madaxweynaha Turkiga ayaa fagaarayaal badan ka sheegay in Soomaaliya ay ahayd dalkii ugu horeeyay ee canbaareeyay afgembiga iyo madaxweynihii ugu horeeyay ee xiriir la soo sameeyay.
“Madaxweynaha Soomaaliya (Xasan Sheekh Maxamuud) waa ila soo xiriiray kadib markii inqilaabka la isku dayay, wuxuuna nooga tacsiyadeeyay dadkii naga dhintay, shacabka Soomaaliyeedna waxay Alle ka baryeen inuu Inqilaabka fashilmo..” ayuu yiri Madaxweyne Ordogan oo ka hadlayay shir jaraa’id oo ay wada qabteen isaga iyo madaxweyne Farmaajo 28-kii April2017.
Maanta oo Turkiga iyo dunida kale, sida Muqdisho laga xusayo ayuu mowqifka Soomaaliya ka qaadatay afgembiga Turkiga uu yahay arrimaha la hadal hayo.
Inqilaab Milateri oo fashilmay dalka Turkiga & Madaxweyne Ordogan oo ka badbaaday [SAWIRRO]
