Wararkii ugu danbeeyay ee dalka Afghanistan ayaa sheegaya in Xarakada Daalibaan ay qabsatay gobol ku yaalla koonfurta caasimadda Afghanistaan.
Daalibaan ayaa si wada weerarrada ay ku qaadeyso Gobollada dalkaasi, iyadoo qabsatay xarumaha 17 Gobol oo dalkaasi ka mida muddo toddobaada ah, iyadoo hadda gacanta ku heysa meelood laba dalkaasi.
Daalibaan waxay qabsadeen degmada Char Asyab, oo kaliya 11 kiiloomitir (7 mayl) koonfur kaga beegan caasimadda Kabul, taasoo soo dhoweysay suuragalnimada inay si degdega u soo gaaraan caasimadda Kaabul.
Waxay kaloo weerarro dhinacyo badan leh ku qaadday magaalada weyn oo ku taal waqooyiga Mesar A-sharif oo ay difaacayeen dagaal-oogayaashii hore ee xoogga badnaa, sida C/rashiid Doston iyo kuwo kale.
Daalibaan waxay hore u qabsadeen inta badan Waqooyiga, Galbeedka iyo Koofurta Afgaanistaan in ka yar saddex toddobaad, kadib markii Mareykanku ciidamadiisa kala baxay ciidamadiisii ugu dambeeyay, taasoo sare u qaadday cabsida laga qabo in dagaalyahan buuxa la wareego ama dagaal sokeeye oo kale oo Afghanistan ah.
Waxa degaanada ay qabsadeen Daalibaan maanta ka mida caasimadda gobolka Paktika oo xuduud la leh Pakistan, sida uu sheegay xildhibaan Khaalid Asad oo ka soo jeeda gobolka. Waxa uu xaqiijiyay in Sharana ay gacanta u gashay.
Daalibaan waxay dhammaystireen hawlgalkoodii koonfurta dalka Jimcihii, markii ay qabsadeen afar caasimad goboleed oo ku hareeraysan caasimadda Kaabul, toddobaadyo uun ka hor inta aan Mareykanku si rasmi ah u soo afjarin dagaalka labaatankii sano ee la soo dhaafay.
Madaxweynaha Afghanistan Ashraf Ghani ayaa Sabtidii jeediyay khudbad telefishan laga sii daayay, oo ahayd muuqaalkiisii ugu horreeyay ee dadweyne tan iyo markii ay kooxda Daalibaan dagaalka soo qaadeen, isagoo ku dhaartay inuusan ka tanaasuli doonin “guulaha” 20 -kii sano ee ka soo wareegtay markii Mareykanku afgembiyay Taliban ka dib weeraradii 9/11.
“Waxaan ka bilawnay wadatashiyo, dowladda dhexdeeda odayaal iyo hoggaamiyeyaal siyaasadeed, wakiilo ka kala socda heerarka kala duwan ee bulshada iyo sidoo kale saaxiibbadayada caalamiga ah,” ayuu yiri. “Dhawaan natiijooyinka waa la idinla wadaagi doonaa,” ayuu raaciyay, isaga oo aan faahfaahin dheeraad ah bixin.
Madaxweynaha ayaa Arbacadii u duulay Mazar-e-Sharif si uu isugu soo ururiyo difaaca magaalada, isagoo la kulmay dhowr taliye oo maleeshiyaad ah, oo ay ku jiraan Abdul Rashid Dostum iyo Ata Mohammad Noor, oo hoggaamiya kumanaan dagaalyahanno ah.
Dhanka kale Daalibaan ayaa sii daayay muuqaal ay ku shaacinayaan la wareegidda idaacaddii ugu weyneyd ee magaalada Qandahaar ee koonfurta, iyagoo u bixiyay Idaacadda Shareecada Islaamka.
