Ciidamada xoogga dalka, gaar ahaan Guutada 14-ka Oktoobar ayaa la sheegay inay kala qaado Maleeshiyo beeleed muddo lix sano ah isku hor fadhiyay labada qeybdood ee magalada Marko, Xarunta Shabeellaha Hooseu kala qeybsaneyd.
Wararka ayaa sheegay in maleeshiyaadka laga soo saaray Daarihii dhaadheeraa ee waqtiga dheer dhufeysyada u ahaa iyo aagagii dagaalka ee ay ku kala jireen maleeshiyooyinka kasoo kala jeeda beelaha H/Gidir & Biyomaal, iyadoo ugu dambeyn la isugu keenay barxad weyn oo ku taala bartamaha magaalada Marko.
Waxa halkaas kula hadlay saraakiisha Ciidamada oo kula dardarmay inay nabadda qaataan, lana shaqeeyaan dowladda, iyadoo loo midoobayo dagaalka lagula jiro kooxda Alshabaab.
Horjoogeyaashii maleeshiyooiyinka ku dagaalsamaa magaalada Marko ayaa soo bandhigay dhibaatada iyo nolol xumida ay ka dhaxleen colaadda soo jiitamaysay muddada 6-da sano ah, iyagoo ballan qaaday in ay ka shaqeynayaan horumarinta deegaankooda iyo xoojinta isku duubnida bulshada magaalada Marka.
Sidoo kale, waxgaradkii magaalada Marka ee goobta ka hadlay ayaa tilmaamay in colaaddan ay ahayd mid ay ka shaqeeyeen argagixisada Alshabaab, balse haatan loo midoobay sidii Shabeellaha Hoose oo dhan looga xoreyn lahaa cadwagan caadeystay dhibaateynta dadka deegaanka.
SAWIRRO
