Waxaa waaberigii saaka laga war helay in gurigiisa xalay saqdii dhexe lagala baxay mid ka mida agaasimayaasha wasaaradaha xukuumada Soomaaliya, kaasoo ahaa agaasimihii wasaarada haweenka iyo xuquuqda Aadanaha Maxamed Cumar Maxamed oo ahaa agaasinka wasaaraddaasi, waxaase la isla dhex maray in la afduubtay agaasimaha, laakiin waxaa laga war helay in ay gurigiisa kala baxeen isagoo hurda ciidamada Nabad-sugidda dowladda.
Wasiirka Haweenka iyo xuquuqda Insaanka oo xilka sii heysa Khadiijo Maxmed Diiriye ayaa saxaafadda kala duwan la hadashay, iyadoo xariga agaasimaheedii ku tilmaantay mid sharci darro ah, isla markaana loo adeegsaday awood iyadoo wax sharci iyo maxkamad ah la soo marin, waxayna intaas raacisay in haddiiba ay jirto wax loo heysto agaasimaha ay ahayd in iyada marka hore la soo maro maadaama ay heyso xilka wasaaradda, waxayna si aan hore loo arag oo kulul wasiiradaasi u canbaareysay xeer ilaalinta oo ay ku sheegtay inay awood xad dhaaf ah adeegsaneyso ayna tahay tan ku takri faleysa mas’uuliyadda ah heyso.
Haddaba haddii aan faaqidno qaabka falkani u dhacay iyo waxyaabaha ka khaldan waxaan ku soo koobi karnaa:
[blockquote style=”4″]Waxaa marka ugu horeysa khalad ah in mas’uul dowladeed oo xil heer agaasime haya habeennimo guriga loogu dhaco waqti saq dhexe ah, sida kooxaha argagixisada oo kale. [/blockquote]
[blockquote style=”4″]Waxaa kaloo khalad kale oo laga maarmi karay ah in ciidamada nabad sugidda fuliyaan xariga mas’uulkan oo aan ahayn caddow dowladeed.[/blockquote]
[blockquote style=”4″]Khaladka ugu weyn waa in xariga mas’uulkan aan loo soo marin sidii sharciga ahayd oo u qalanta mas’uul xilkiisa oo kale haya, taasoo ah in loo yeero, lagu wargeliyo kiiska loo heysto, su’aalo la weydiiyo, kadibna maxkamad la geeyo kiiskiisa oo ay go’aamiso waxa laga yeelayo, haddiiba dembi heerkaas gaarsiisan jiro.[/blockquote]
Arrimahan oo aan dhicin waxay falka ku dhacay agaasime Maxamed Cumar ka dhigeen mid guud ahaantiis laga shakiyo oo xitaa haddii waxyaabaha lagu heysto wax ka jiraan loo maray dariiq khaldan oo muuqaal aan wanaagsaneyn ka bixin kara hay’adaha dhaqan gelinta sharciga ee dowladda.
Waxay kaloo xaalada u muuqan kartaa mid u eg in dalku ku jiro xaalad degdeg ah oo awoodii ay la wareegeen ciidamada Nabad sugidda iyo xeer ilaaliye, iyadoo hay’adihii kale howshan lahaa ay iska daawanayaan waxa dhacaya.
Wadani.com
Muqdisho-Somalia
[ad name=”HTML”]
