Xukuumada Federaalka Soomaaliya ee uu hogaamiyo Ra’iisal wasaare C/weli Sheekh Axmed ayaa mareysa xaaladii ugu adkeyn tan iyo markii la dhisay kadib markii madaxweyne Xasan Sheekh Maxamud uu waxba kama jiraan ka soo qaaday isku shaandheyn uu Ra’iisal wasaaruhu ku sameeyay qaar kamida Golaha wasiirada.
Haddaba Goobjooge.com ayaa halkan ku soo gudbineysa wasiirada sida tooska ah ugu xiran madaxweynaha ee aan marna ka amar qaadan Ra’iisal wasaaraha kuwaas oo culeys weyn ku hayay muddooyinkii ugu danbeeyay Ra’iisal wasaare C/weli, waxayna xubnahan hormuud u yihiin ololaha uu madaxweynaha wado ee lagu doonayo in xilka looga tuuro ra’iisal wasaaraha, xubnahaasi waxay kala yihiin
1. Wasiirka Maaliyadda
2. Wasiirka Garsoorka & Dastuurka
3. Wasiirka Arrimaha Dibadda
4. Wasiirka Gaadiidka Badda iyo Dekadaha
5. Wasiirka Gaashaandhigga
6. & Wasiirka Arrimaha Gudaha
Waxaa kaloo jira wasiiro labada dhinacba iska xaadiriya oo go’aankooda aanu caddeyn iyo kuwa la safan ra’iisal wasaaraha, wasiirada la safan ra’iisal wasaaraha ayaanu idin soo gudbin doonnaa qormada xigta xilli ay xiisada siyaasadeed ee labada mas’uul mareyso meel bilow ah haddana xasaasi ah.
Goobjooge.com
Muqdisho
